أنا دبت و جزمتى نعلها داب
من كتر التدوير ع الاحباب ..
يا سلاملم لو اعتر فـ حـبيب
دا انا ارقص من كتر الاعجاب ...كدهو كدهو كدهو
أنا قـــــلبى مزيكا بمفاتيح
من لمسة يغني لك تفاريح
مع اني مفطرتش و جعان
و معذب و متيم و جريح
بتنطط و اتعفرت و اترقص ..كدهو كدهو كدهو
بيانولا و الباندا و حركاااات
اطلعى بقى يا انصاص يا فرنكات
ــ انا عزمك يا حبيبي لمـــا القيك على فُـسحة فـ جميع الطرقات..!!
نتنطط نتعفرت نترقص ..كدهو كدهو كدهو
البيانولا:صلاح جاهين
***
عن الفسح فى الاماكن اللى كان نفسى فيها و مرحتش مع الناس اللى كان نفسى اقابلهم و مشوفتهمش ..
عن اكتر مكان كان محتاج فسحة بس محدش مقدره...
أولا: الفُسحة الاولى
اماكن كتيربالنسبة لي لما بغمض عيونى و افكر ايه اكتر مكان نفسى اروح !!..
غالبا بترد عليا نفسى بـ تلات اماكن اساسية ـ الكعبة
ـ البحر
ـ مكان اخضر واسع
و احيانا بتاخدنى الذاكرة فى فسحة عن الفسح اللى روحتها ...
بلاقينى فاكرة أول مرة اروح فيها كورنيش النيل مع بابا و انا صغيرة و ركبنا مركب و ساعتها مسكنى و قعدنى على طرف المركب..ورجليا كانت فى المايه
احساس ممتع كأنى ماشيه على الماية و مش خايفه ابدا انى اقع او اغرق لان متاكدة ان اللى ماسكنى عمره ما هيسيبنى ..
عن الاماكن : الفسح الحقيقة هى اللى بنحس فيها بالامان ..المتعة .
عن الاشخاص: ممكن تكون روحت المكان مليون مرة وعادى بالنسبة لك ..انما لما تروح مع حد بيحبك بيبقى فسحة بجد ..
غمضوا عيونكم و فكروا ايه اول فسحة كنت سعيد فيها بجد و فين ؟؟
ع.م
تسمحلي أقبل الدعوة وأكتب موضوع يرد علي موضوعك في الفسح..وأغمض عيني وافتكر:)
ردحذفطبعا :) يسعدنى جداا
ردحذفمنتظره تدوينتك
ردحذفالله عليكي .. كدهو كدهو
بجد حلوه اوي مبهجه .. وعجبني اننا نغمض ونفتكر احلي فسحه
دمت مبهجه حبيبتي :*
اسعدك الله بقدر ما اسعدتني تدوينتك