فُـسحة فـ جميع الطرقات

 " ــ انا عزمك يا حبيبي لمـــا القيك على فُـسحة فـ جميع الطرقات..!!"
  صلاح جاهين 

حاسه دايما ان فى فسحة نفسى اروحها بس لسه معرفهاش ... 

 و لانى لما بقابل الناس بحس فيهم باحساس الاماكن..

مثلا :
عندى صديقة بحس وانا معاها انى فى البيت اسمها هبه و دايما اقول لها يا "بيتى ".. 

و فى صديقه تانيه رغم ان اسمها دينا بس بالنسبه لى  "مصر"   .. 

ببساطة احساس نادر و ناس نادرة اللى تحس معاهم انك فى مكانك الطبيعي ..

اما عن الفسح ..فالبشر زى الفسح تمام 

فى فسحة حلاوتها ان متكونش مخطط لها ..

و فسحة الاجمل فيها بساطتها ..

و فسحة حلوتها انك مرحتهاش قبل كده 

و فى فسحة مهما روحتها متزهقش منها 

انما يبقى الاجمل  بالنسبه لى ..فسحة مهما تغيب و ترجع لها تلاقي حضن المكان مبيتغيرش 

عن المكان اللى مهما اغيب عمره ما ينسانى و لا يتغير على ..

الاوبرا

اما عن البشر اللى حضنها مبيتغيرش .. هنا نحتاج تدوينه تانيه خالص عشان نبدأ الحكاية .. 

 

 

 ع.م