فُـسحة فـ جميع الطرقات

الفسحة : فى معانى الكلمات هى الفاصل ما بين شيئين ، أوالبراح من المكان 

الفسحة زى ما عرفتها : لما تحس ان المكان ده بيحبك ..

***
و لانى ازعم ان فى بينى و بين الاماكن قصة عشق مليانة تفاصيل حلوة

أجمل هدية
 بالنسبة لحد بيحب الاماكن زى حالاتى كده ..أنك تعمل له مفاجأة و تاخده مكان جديد يعجبه

من الاماكن اللى جاتلى هدية ..

وكاله الغورى  >>> حضرت عرض التنورة

و لان للاماكن دهشة لما تزورها للمرة الاولى فضلت ذاكرة الدهشة الاولى عندى بتعمل لى نوع من السعاده لما افتكر المكان ..

لان كمان من قبلها كان عرض التنورة بالنسبه لى هو فقرة بتتعمل فى الافراح فـ الزفة تحديدا و هما بيغنوا ( الليله ليله هنا وسرور ..  :) :)

لكن طابع وكالة الغورى الايمانى و قت عرض التنوره شئ مختلف تماما المكان ذاتة و المعمار و السحر اللى فيه بيطلع منك احساس انت نفسك مبتكونش عارف انه جواك ,, و على ضمانتى 

 ع.م