(1)
لما سألتها .. هى أيه لازمة العصافير فى حياتنا ؟؟
قالت: العصافير هى كائن لطيف و صغير بيعلمنا الحب و الصبر
و الايمان بالرزق .
--------
(2)
كنت دايما بسأل نفسي ..
هى ليه العصافير بتقف على اسلاك الكهربا بقلب جامد و ولا بيحصل لها حاجة!!
و ليه بتموت و هى واقفة فى القفص ؟؟؟
لحد ما فهمت ان الوحدة اخطر من التيار الكهربائى ..
(3)
تعودنا لما نعرف أى حاجة مستخبية و نسأل مين قالها تكون
الاجابة ( العصفورة قالـــت لي ) مع أنى لما سألتها بيحبنى و لا لا ؟ ..مردتش عليا
!
(4)
مفيش اجمل من طير طاير بالقرب من المأذنة و بيصلي فى براح
السما .. لو ركزت تسمع تسبيح جناحاته.
---
(5)
حدثت نفسها ..
( متى ؟ كيف ؟ .. دائما افكر كثيرا، اضع المعطيات و ابحث
عن المنطق ..ما المنطق فى فيما فعلت ؟.. لا منطق سوى ان ما لك سيأتيك يوما ما ..
و ان لكل روحين تتألفا خطة و قصة متى يتقابلان ؟متى يقعان
بالحب؟ حتى متى يفترقان؟ .. و ان كان هناك مواسم للحصاد و مواسم للاعياد و حتى
مواسم للعشق فلابد اننى سأطير حتماً فى مواسم العصافير .. :)
------
(6)
اطير كأن عندى جناح ..
اطير كأن الدنيا فضا وبراح
اخد الحياة بالحضن..
كأن مفيش فـ قلبى جراح
اقابل حظ مخاصمنى
يكلمنى ..اقول له سماح
سماح يمكن يكون حظرك
معايا مباح .
(7)
لــما تشوف طير طاير فى السما
لوحده ..
لا تفكر أنه وحيد ..
الوحــدة اللى بجد فى القـــلب الفاضــي .
(8)
قلبي عصفور
حــر لــو تحبنى بجد خليك السماء بدل ما
تكون القفص
(9)
عن البنت اللى بتحب تطير
قالت : أحلم .. تطير .
ع.م
